Ang House of Pomeranian ang unang grupo na nabuo sa camp. Ang mga campers dito ang maituturing na official at legit lakwatsero at lakwatsera sa Camp Demidog. Grupo din nila ang madalas na nag-susulat ng mga article dito sa website lalo na kung ang mga activity or event ay nasa Metro.
Snow The Dog Influencer
- Date of Birthday: March 7, 2017
- Place of Birth: Marikina
- Gender: Male
- Spay/Neuter: Yes
Si Snow ang unang demidog sa camp. Isa siyang standard pomeranian. Bata pa lang si Snow ay isa na syang tunay na lakwatsero. Going 3 months siya non ng makarating na sya ng Megamall sa Pasig, Glorieta sa Makati, Mall of Asia sa Pasay bago makauwe ng Bulacan. Si Snow ang pinaka-photogenic sa lahat ng campers kaya madalas sya ang makikita nyong model ng mga adventure dito sa website.
Fire The Pomeranian Blogger
- Date of Birth: May 20, 2017
- Place of Birth: San Rafael, Bulacan
- Gender: Female
- Spay: Yes
Si Fire ang unang prinsesa sa camp. Sya ang pasimuno ng pag-iingay dahil napakalisto at napakatalas ng pandinig nya. Ihanda mo ang tenga mo sa matinis nyang boses. Isa din syang picky eater kaya naman madalas sumasakit ang ulo ng mga hooman nya sa kakaisip kung ano ang ihahanda sa prinsesang blogger.
Blaze The Mini Writer
- Date of Birth: August 14, 2018
- Place of Birth: Cavite
- Gender: Male
- Neuter: No
Siya ang pinaka-maliit sa lahat ng campers at sya din ang pinaka-malakas mang-asar lalo na sa member ng Dorm of Aspin dahil feeling nya ay sya ang alpha sa lahat ng campers. Huwag na huwag nyo syang lalapitan habang may kinakain kung ayaw nyong masakmal ng maliit nyang ngipin. Meron syang PCCI paper, subalit hindi advisable gamitin sa stud dahil sa kanyang kondisyon – isa lang ang kanyang itlog.
Summer The Fluffy Scribbler
- Date of Birth: January 25, 2019
- Place of Birth: Sta. Rita, Guiguinto, Bulacan
- Gender: Female
- Spay: Yes
Sya ang huling naging member ng camp at ng House of Pomeranian. Isa syang tunay na hyper na pomeranian. Simula ng matutunong umakyat baba sa sofa hindi na sya natigil sa kakatalon sa bawat upuan na makita nya. Mahilig din syang mangalabit lalo na kung may naamoy syang pagkain
Frost The Little Explorer
- Date of Birthday: February 9, 2020
- Place of Birth: San Rafael, Bulacan
- Gender: Male
- Neuter: Yes
Si Frost ay anak nila Snow at Summer. Bata palang makikitaan nyo na sya ng interest sa blogging. Pero may pagka-sutil din sya dahil bata palang marunong ng sumagot sa kanyang mga hooman. Hyper din sya katulad ng kanyang ina at photogenic katulad ng kanyang ama..
Flame the Mini Blogger
- Date of Birthday: April 27, 2020
- Place of Birth: Baliwag, Bulacan
- Gender: Male
- Neuter: Yes
Si Flame naman ay anak ni Blaze at Fire. Kasagsagan ng general community quarantine nong pinanganak si Flame. Si Flame din ang may pinakamatalas ng tenga ngayon sa buong House of Pomeranian at pinaka-maingay. Hindi din masaway sa katakawan ang bunso sa Camp Demidog.
Autumn
- Date of Birthday:
- Place of Birth: Baliwag, Bulacan
- Gender: Female
- Spay: No
Si Autumn ay anak nila Blaze at Summer, sa lahat ng mamanahin ni Autumn sa magulang nya, yung pagiging maingay at pagka-hyper pa. Mahilig magtatakbo at tumahol ng bigla bigla itong si Autumn. Mahilig din sya sa gala at makipag-aurahan sa labas.
Rain
- Date of Birthday:
- Place of Birth: Baliwag, Bulacan
- Gender: Male
- Neuter: No
Si Rain ay anak din nila Blaze at Summer. Hindi namin alam kung paanong napabayaan sa kusina itong si Rain. Malaking bulas kasi unlike ng magulang nya at ni Autumn. Parang armalite ang bibig ng isang to hangga’t hindi sya pinapansin or may makitang ibang tao sa labas. Kaya kahit i-walking mo sya, para kang may kasamang nanay na nagsesermon sa anak.